Ethiopic Apps - የኢትዮጵያ ፊደላት መተግበሪያዎች

Person reading Amharic text on a smartphone screen.

Ethiopic Apps Contest - በኢትዮጵያ ፊደላት መተግበሪያ ውድድር

ኢትዮጵክ ቴክኖሎጂ ፤ ቋንቋችንን ከኮምፒውተር ቴክኖሎጂ ጋር በማዛመድ ፤ ልዩ ልዩ መተግበሪያ ፕሮግራሞችን ፤ በአማርኛና በሌሎችም የኢትዮጵያን ፊደላት የሚጠቀሙ ሶፍትዌር ፕሮግራሞችን የሚሰሩ ወጣቶችን ታዋቂነት ለመስጠትና ለማበረታታት ነው ።

ባለፈው ጥር (January 2022 ) ባዘጋጀነው የኢትዮጵክ መፕ (Ethiopic App) በ30 ቀን ውስጥ ከ60 የሚበልጡ ተወዳዳሪዎች ቀርበው ፤ ለአስሩ (10) የጥሬ ገንዘብና የ ጊፍት ካርድ መሸለማችን ይታወሳል ።

ይህም በድርጅታችን ከተጀመሩት ዋና ዋና ሥራዎች አንደኛው ሲሆን በዘላቂ ሁኔታ በየዓመቱ የሚቀጥል ይሆናል ። በዚህ ዓመት መካፈል ያልቻሉት ለሚቀጥለው ዓመት ውድድር እየተዘጋጁ እንደሆነም ነግረውናል ።

ይህ ውድድር የተለያዩ ሚዳይዎችን ቀልብ ስቦ ተወዳዳሪዎቻችንን ፤ ዳኞቻችንና የቦርድ አባሎቻችንን ፤ እኔንም ሳይቀር ካለሁበት አሜሪካን አገር ለኢንተርቪው በማቅረብ ብዙ ትኩረትን ሰጥተውታል ። ሚዲያዎቹን ለመከታተል ላልቻሉ የነዚህን ወጣት ሥራዎችና ጥረት ለማስተዋወቅና ለማበረታታት ይህን ቻናል ከፍተናል ፤ ምናልባት በቅርብ ጊዜ ይህንን ኢንፎሜሽን በድረገፅ (website)ደረጃ ለማሳደግ እንሞክራልን።

የዛሬ 30 ዓመት የጣልነው መሰረት እንዳለ ሆኖ ፤ ትኩረታችን ግን ወደ አዲሱ ትውልድና ቋንቋችንን ከመጥፋት ለማዳንና ለማሳደግ የሚጥሩትን ወጣቶች በርቱ ለማለት ነው። የተወዳደሩትን ወጣቶች ሥራ አንድ ባንድ እንድታዩት በየጊዜው አቀርብላችኋለሁ።

አስተያየታችሁን ለኔ ብትልኩልኝ ምክራችሁን ሰምቼ ብሥራ ላይ ለማዋል ዝግጁ ነኝ ፤

አክባሪያችሁ ፍሥሓ አጥላው